Opá mba’é apy oin va’e ma orereko py gua mēmē, ãmboaé ju oin ovy'a bola py ha’e gui fotografia.
Ayn gui hetá kunhãgue ouga va’é ikuai, ha’e rami ha’e havi fotografia py, ha’e ojapo kuaa mbaemõ ajaká, miçangas gui avé, mbo’y guive ojapo, naminxã, ojapo havi jyvá reguá (pulseira) kaminxã re varã, ouga va’e kuery pe guá ha'egui tekoa py guá kuery pe.
Xondaria , Kunhãgue ma omoin porã nhandereko. Oin porã pavē'in pe kyringue pe, xary'i kuery pe, Ipururu'a va’e pe voi,ojapo pavē'in ougaa aguã.
Ha'e kuery ma Xondaria, Xondaria ma tery ouga va’e kuery. Tekoa Jaraguá py, ougaa py hanhõ heyn.
Ayn gui ma ougaa ojapo ma kunhãgue pe Tekoa Jaraguá py, ha’e rami eyn va'ekue, hare ma rire ma oin porã ougaa havã kunhãgue pe.
Haxy py avakue oeja kunhãgue pe ouga'a aguã, ayn ma hetá oipytyvõ, oma’ē kyringue re ouga okuapy Javé.
Ougaa oin semana opaare campo’i py Tekoa Guarani py, Itakupe, ãmboaé py voi, Sol Nascente, ougaa va’é Jaraguá pygua kuery: Tekoa Ytu, Tekoa Pyau, Itakupe, Itawera, Itaendy, Tekoa Yvy Porã ha’e Pindó Mirim, joexa pa campo py.
Ndoguerekoi ouga va’é rã javema kunhãgue tekoa py ikuai Ytu py, joexa campinho py rive Tekoa Pyau py ma nda'po vei campinho, ayn ma escola ju oin campo oin hague py.